एऊटै शीर्षकको दुई तथ्यांक देखाई महालक्ष्मी लाइफले झुक्यायो सबैलाई

४ जेठ, काठमाडौं । बीमा बजारमा आफूलाई अब्बल व्यवस्थापन भएको दावी गर्ने महालक्ष्मी लाईफ इन्स्योरेन्सले आर्थिक वर्ष ७७/७८ को तेश्रो त्रैमासको वित्तीय विवरण प्रकाशन गर्दा एउटा गम्भीर गल्ती सार्वजनिक गरेको छ ।

भुक्तानी हुन बाँकी दावी रकम दुई वटा शीर्षकमा निकालेर कम्पनीले लगानीकर्तालाई अलमलमा पार्न खोजेको हो । तेश्रो त्रैमासको रिपोर्टको अन्य विवरण अन्तर्गतको  ६ नम्बरमा कम्पनीले भुक्तानी हुन बाँकी दावी रकम शीर्षकको तथ्यांक प्रस्तुत गरेको छ भने त्यसभन्दा ठिक मुनि ७ नम्बरमा पनि त्यही शीर्षक राखेको छ । वास्तवमा ७ नम्बरमा भुक्तानी हुन बाँकी दावी संख्या हुनु पर्ने थियो ।

मानवीय त्रुटी की मनसाय ?

झट्ट हेर्दा मानवीय त्रुटी जस्तो देखिएपनि वास्तवमा बीमा बजारमा यसको ठूलो अर्थ रहेको हुन्छ । बीमा कम्पनीले भुक्तानी हुन बाँकी दावी रकम शुन्य हुनुलाई बीमा कम्पनीप्रति ग्राहकको सकारात्मक नजर हुने  गर्छ, यदि कसैले महालक्ष्मी लाइफको यो रिपोर्टको ७ नम्बर शीर्षक हेर्यो भने महालक्ष्मीको भुक्तानी हुन् बाँकी दावी रकम नै छैन् जस्तो देखिन्छ तर  ६ नम्बरमा भने महालक्ष्मीको भुक्तानी हुन बाँकी दावी रकम ८ लाख ७० हजार रहेको छ ।

शीर्षक मात्र गलत हुनुपर्ने होइन र ?

७ नम्बर शीर्षकमा भुक्तानी हुन बाँकी दावी संख्या हुनु पर्ने हो तर यदि शीर्षकमात्र त्रुटी भए त्यहाँ शुन्य नहुनु पर्ने हो । किनकी ६ नम्बर शीर्षकमा भुक्तानी हुन ८ लाख ७० हजार दावी बाँकी हुँदा भुक्तानी हुन बाँकी दावी संख्या शुन्य नहुनु पर्ने हो । यसरी महालक्ष्मी लाईफले बीमा समितिलाई देखाउन बुदाँ नम्बर ६ मा ८ लाख ७० हजार भुक्तानी हुन बाँकी दावी देखाएको र अन्य ग्राहकलाई झुक्काउनको लागि बुदा नम्बर ७ मा पनि सोही शीर्षक राखेर शुन्य तथ्यांक देखाएको देखिन्छ।

जीवन बीमा बजारमा समकालिन बीमा कम्पनीहरुले १ अर्ब हाराहारीमा बीमा शुलक आर्जन गरिरहँदा महालक्ष्मीले भने खासै बीमितहरु जुटाउन सकेको छैन् । बीमा शुल्क थोरै मात्र संकलन गर्न सकेको यो जीवन बीमा कम्पनीले प्रतिस्पर्धी बीमा कम्पनीहरुले जस्तो ग्राहकको विश्वास जित्न सकेको छैन । अरु बीमा कम्पनीले ८५ प्रतिशतसम्म बोनस दिईरहँदा यसले भने बोनस कति दिने भन्ने समेत टुङगो लगाउन असफल रहेको छ । बरु ग्राहकलाई झुक्याउन बोनस कति भनेर सोध्नै नपर्ने दोब्बरपनि हुन सक्ने हावादारी तर्क दिएर प्रोडक्ट बेचिरहेको छ ।

वित्तीय विवरणमा किन यस्तो त्रुटी वा लापरवाही भयो भन्ने नेपालबहसको प्रश्नमा महालक्ष्मी लाईफका डेपुटी सीईओ कमल पन्थीले भने, “गल्ती स्वीकार्दै नियतबस गल्ती गरेको त होइन, रो मात्र मिस्टेक भएको होला । उनले धितोपत्र बोर्डमा कम्पनी सूचीकृत नभैसकेको बताउँदै प्राविधिक कारणले भएको त्रुटी सच्चाइने दावी गरे । आफूहरुले ग्राहक झुक्याउने काम पनि नगर्ने उनको भनाई थियो ।

https://mahalaxmilife.com.np/wp-content/uploads/2021/05/3rd-quarter-077-078.pdf