रहेनन् वर्ल्डलिंकका सञ्चालक विजय जलान

३० बैशाख, काठमाडौं । कोरोना भाइरसका कारण इन्टरनेट सेवा प्रदायक कम्पनी वर्ल्डलिंक कम्युनिकेसन लिमिटेडका सञ्चालक तथा निर्देशक विजय जलानको निधन भएको छ ।

पारिवारिक स्रोतका अनुसार जलानको काठमाडौंको मेडिसिटी अस्पतालमा उपचारका क्रममा बिहीबार विहान निधन भएको हो । कोभिड संक्रममित ४७ वर्षीय जलान वर्ल्डलिंक कम्युनिकेसन लिमिटेडका सहसंस्थापक पनि हुन् ।

उनी करिब १५ दिनअघि अस्पताल भर्ना भएका उनको भेन्टेलेटरमा उपचार भइरहेको थियो ।