रसुवागढी जलबिद्युत आयोजनाले प्रयोग गर्ने अक्सिजन सिलिन्डर कोभिड बिरामीलाई

३१ बैशाख, काठमाडौ । रसुवाको टिमुरेमा निमार्णाधिन रसुवागढी जलबिद्युत आयोजनाले प्रयोग गर्ने २५ थान अक्सिजन सिलिन्डर आयोजनाले कोरोना सङ्क्रमितको उपचारका लागि प्रदान गरेको छ ।

रसुवागढी जलविद्युत आयोजनाको चीनीया ठेकदार कम्पनी सिडब्लुईले निमार्ण स्थलमा प्रयोग गर्दै आएको २५ थान अक्सिजन सिलिन्डर आयोजना प्रमुखको पहलमा आयोजना स्थल बाट जिल्लास्तरीय कोभिड–१९ संकट व्यवस्थापन केन्द्र तथा जिल्ला प्रशासन  कार्यालय रसुवा लाई हस्तान्तरण गरेको हो  ।

अक्सिजन सिलिन्डर कोरोना सङ्क्रमित बिरामीका लागि प्रयोग गरिने  जिल्ला कोभिड–१९ सङ्कट व्यवस्थापन केन्द्रका संयोजक तथा प्रमुख जिल्ला अधिकारी ईश्वरी प्रसाद ढकालले बताए ।  आयोजनाले प्रदान गरिएका तथा उद्योगी,ब्यबसायीहरु र विभिन्न आयोजनाहरु बाट प्राप्त अक्सिजन सिलिन्डरहरु जिल्ला अस्पताल धुन्चे तथा ग्रामिण अस्पताल जिबजिबे गरि जिल्लाका दुईवटा अस्पताललाई प्रयोग गरन पठाईने  छ । यसैगरि जिल्लामा संन्चालित  सबै जलबिद्युत आयोजना तथा उद्योगी ब्याबसायीहरुलाई बिपदका बेलामा सहयोग गर्न स्थानीय प्रशासनले आग्रह गरेको छ ।

जिल्लामा हाल कोभिडका सक्रिय सङ्क्रमितको सङ्ख्या १८९ रहेको छ । संस्थागत आईसुलेशनमा आठ जना रहेका छन भने होम आईसुलेशनमा एक सय एकाशी रहेका छन । यसैगरि निको हुनेको संख्या १९७ पुगेको छ ।