ग्लोबल आईएमई बैंकले गर्यो नयाँ ब्याजदर सार्वजनिक, कुन खातामा कति ब्याज ?

२ जेठ, काठमाडौं । ग्लोबल आईएमई बैंकको नयाँ ब्याजदर सार्वजनिक गरेको छ । जेठ १ गतेदेखि लागूहुने गरी बैंकले नयाँ ब्याजदर सार्वजनिक गरेका हो ।

ग्लोबल आईएमई बैंकले कुन खातामा कति दिँदैछ ब्याज ?

ग्लोबल आईएमई बैंकले संचालनमा ल्याएको २० वटा बचत खातामा न्यूनतम २ देखि ४ प्रतिशतसम्म ब्याजदर कायम गरेको छ । त्यस्तै, मद्दति निक्षेपमा व्याक्तिगततर्फ ७ प्रतिशत ब्याजदर कायम गरेको छ भने संस्थागततर्फ ७ प्रतिशत नै ब्याजदर कायम गरेको छ ।

बैंकको बेसरेट ६ दशमलव ७६ प्रतिशत रहेको छ । बैंकले अधिकांश कर्जामाहरुमा १२.७६ प्रतिशत सम्म ब्याजदर तोकेको छ । त्यस्तै, फिक्स ब्याजदरका कर्जाकोमा व्याक्तिगततर्फ होम कर्जामा ५ वर्ष अवधिसम्मको लागि ८.९९ प्रतिशत १० वर्षे अवधिको कर्जामा ९.९९ प्रतिशत र १० वर्षे वढिको अवधिको कर्जाको लागि १०.९९ प्रतिशत ब्याजदर तोकेको छ ।

त्यस्तै, अटो कर्जामा ५ वर्ष अवधिको कर्जामा ९.९९ प्रतिशत, १० वर्षे अवधिको कर्जामा ११.९९ प्रतिशत ब्याजदर तोकेको छ । अन्य कर्जामा न्यूनतम ९.५० देखि १३.९९ प्रतिशतसम्म ब्याजदर तोकेको छ ।