केन्द्रीय बैंकले १३ अर्ब ७४ करोड बराबरको ट्रेजरी विल बिक्री गर्ने

नेपालबहस संवाददाता

जेठ ३, २०७८ सोमबार १८:४०:२२

३ जेठ, काठमाडौं । नेपाल राष्ट्र बैंकले १३ अर्ब ७४ करोड बराबरको ट्रेजरी विल विक्री गर्ने भएको छ ।

राष्ट्र बैंकले ९१ दिन, १८२ दिन र १ वर्षको लागि ट्रेजरी विल जारी गर्न लागेको हो । मंगलवार जारी हुने यस ट्रेजरी विलका लागि सोमवार दिउँसो ३ बजे बोलकबोल हुनेछ । राष्ट्र बैंकले ९१ दिनको लागि २ अर्ब बरावरको ट्रेजरी विल जारी गर्न लागेको हो ।

यस ट्रेजरी विल आगामी भदौ १ गते परिपक्व हुनेछ । त्यसैगरी राष्ट्र बैंकले १८२ दिनको लागि ९ अर्ब ८५ करोड बरावरको ट्रेजरी विल जारी गर्न लागेको छ । यो बिल कात्तिक ३० गते परिपक्व हुने राष्ट्र बैंकले जानकारी गराएको छ ।

त्यस्तै १ वर्षको लागि १ अर्ब ८९ करोड बराबरको ट्रेजरी विल जारी गर्न लागेको हो । यो ट्रेजरी विल विसं २०७९ आगामी जेठ ३ गते परिपक्व हुनेछ ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप