लाभांश पारित गर्न लुम्बिनी जनरल इन्स्योरेन्सले बोलायो साधारणसभा, बुक क्लोज कहिले ?

३ जेठ, काठमाडौं । लुम्बिनी जनरल इन्स्योरेन्सले जेठ २८ गते साधारण सभा बोलाएको छ । सभा भर्चुअल माध्यमबाट अपरान्ह ४ बजे सुरु हुनेछ । सभामा १०५ लाभांश वितरण गर्ने प्रस्ताव पेश हुनेछ ।

कम्पनीले आर्थिक वर्ष २०७५–७६ को नाफाबाट ५५ बोनस शेयर र ५५ कर प्रयोजन सहित नगद लाभांश वितरण गर्न लागेको हो ।

यसर्थ, कम्पनीले ५ करोड ७० लाख ९० हजार रुपैयाँ बराबरको बोनस शेयर बाँड्नेछ । यस्तै, सोही रकम नगदमा खर्च हुनेछ । हाल यस कम्पनीको चुक्ता पुँजी १ अर्ब १४ करोड १८ लाख रुपैयाँ रहेको छ । बोनस वितरणपछि पुजी १ अर्ब १९ करोड ८८ लाख ९० हजार रुपैयाँ पुग्नेछ । सभामा प्रबन्धपत्र र नियमावलीमा संशोधन गर्ने एजेन्डा पनि छ ।

आर्थिक वर्ष २०७६–७७ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७७–७८ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ । सभा प्रयोजनका लागि लुम्बिनीले जेठ १४ गते बुक क्लोज गर्नेछ । जेठ १३ गतेसम्म कायम शेयरधनीले लाभांश पाउनेछन् ।