लुम्बिनी प्रादेशिक अस्पतालमा ६ घण्टामा ४ संक्रमितको मृत्यु

४ जेठ, काठमाडौं । बुटवलस्थित लुम्बिनी प्रादेशिक अस्पतालमा ६ घण्टाको अन्तरमा ४ जना कोरोना संक्रमितको मृत्यु भएको छ। ४ जना मध्ये ३ जना रुपन्देहीका र एक जना अर्घाखाँचीका पुरुष रहेको लुम्बिनी प्रादेशिक अस्पतालले जनाएको छ।

अस्पतालका सूचना अधिकारी डा.विष्णु गौतमका अनुसार मृत्यु हुनेमा सियारी–३ रुपन्देहीका २९ वर्षीय पुरुषको बुटवल धागो कारखानाको आईसीयूमा सोमबार साँझ ७स्२७ बजे मृत्यु भएको हो। यसैगरी खनदह अर्घाखाँचीका ४३ वर्षीय पुरुषको पनि धागो कारखानाको आईसीयूमै राति १२स्४ बजे मृत्यु भएको डा। गौतमले बताए।

यसैगरी जेठ २ गते भर्ना भएका तिलोत्तमा २ रुपन्देहीका ७९ वर्षीय पुरुषको सोमबार साँझ ५ बजे र बुटवल–१२ का ४० वर्षीय पुरुषको सोमबार साँझ ६ बजे प्रादेशिक अस्पतालको आकस्मिक कक्षमा मृत्यु भएको हो। रुपन्देहीमा कोरोना संक्रमितबाट मृत्यु हुनेको संख्या २६५ पुगेको छ।