कांग्रेसले बोलायो संसदीय दलको बैठक

४ जेठ, काठमाडौं । प्रमुख प्रतिपक्षीदल नेपाली कांग्रेसले भोली (बुधबार) का लागि  संसदीय दलको बैठक बोलाएको छ । सरकारले बजेट अधिवेशन आव्हान गर्न अलमल  गरिरहेको वेला प्रमुख प्रतिपक्षी दलले संसदीय दलको कार्य समितिको बैठक बोलाएको हो ।

बैठक भोली दिउसो साढे दुई बजे संसद भवन नयाँ वानेश्वरको ल्होत्से हलमा बस्ने र पार्टी संसदीय दलले सुचना मार्फत जानकारी दिएको छ । बैठकमा विशेष गरी आउदो बजेट अधिवेशनमा दलको भूमिकालाई कसरी सशक्त पर्ने विषयमा छलफल हुने बताइएको छ । त्यसै गरी बैठकमा बहुमतीय सरकार गठन हुन नसकेको अवस्था कसरी सृजना भयो भन्ने  प्रति पनि गंभिर समिक्षा हुने नेताहरुले बताएका छन् ।

सरकारले बजेट अधिवेशन आब्हान  गर्न ढिलाइ गरेको प्रति कांग्रेस संसदहरुले प्रधानमन्त्री ओली जुनसुकै वेलापनि संसद विघटनको दाउमा रहेको भनि आलोचना गर्दै आएका छन् ।