काेराेनाबाट बाँकेमा थप ९ जनाकाे ज्यान गयाे

४ जेठ, बाँके । ज्यानमारा काेराेना भाइरसबाट बाँकेमा थप ९ जनाकाे ज्यान गएकाे छ । जिल्लाकाे  विभिन्‍न अस्पतालमा उपचाररत थप ९ जनाको मृत्‍यु भएको छ । मृतकमध्ये ४ जना र सुर्खेत, कपिलवस्तु, दाङ, बर्दिया र रूकुम पूर्वका १ र १ जना छन् ।

यस्तै भेरी अस्पतालमा उपचाररत नेपालगञ्‍ज उपमहानगरपालिका-१० बाँकेकी ६२ वर्षीया महिलाको सोमबार साँझ ७:४५ बजे, बाँकेकै खजुरा गाउँपालिका-२ का ८५ वर्षीय पुरूषको मंगलबार विहान ४:३० बजे, नेपालगञ्‍ज उपमहानगरपालिकाका ५१ वर्षीय पुरुषको मंगलबार विहान ८: ३० बजे र नेपालगञ्‍ज उपमहानगरपालिका-१९ बाँकेका ५७ वर्षीय पुरूषको मंगलबार विहान ८: ४५ बजे मृत्यु भएको छ ।

यस्तै गुर्भाकोट नगरपालिका-१३ सुर्खेतका ६८ वर्षीय पुरूषको भेरी अस्पतालमा उपचारका क्रममा सोमबार दिउँसो ३:४५ बजे मृत्‍यु भएको छ भने शिवराज नगरपालिका-५, कपिलवस्तुका ३८ वर्षीय पुरूषको नेपालगञ्‍ज मेडिकल कलेजमा उपचारको क्रममा सोमबार दिउँसो ४:३० बजे मृत्‍यु भएको छ ।

यस्तै तुलसीपुर उपमहानगरपालिका-१३ दाङका ५० वर्षीय पुरूषको भेरी अस्पतालमा उपचारका क्रममा सोमबार राति ८:० बजे मृत्‍यु भएको छ भने मधुवन नगरपालिका-७ बर्दियाका ६५ वर्षीय पुरूषको नेपालगञ्‍ज मेडिकल कलेजमा उपचारको क्रममा सोमबार राति ९:१५ बजे मृत्‍यु भएको छ ।

यस्तै नेपालगञ्‍ज मेडिकल कलेजमा उपचाररत पुथा उत्तरगंगा गाउँपालिका-१० रूकुम पूर्वका ६० वर्षीय पुरूषको मंगलबार विहान ८:४० बजे मृत्‍यु भएको हाे । योसँगै कोरोना संक्रमणबाट बाँके जिल्लाभित्रका २४४ पुगेको छ भने अन्‍य जिल्ला बाहिरका १९९ जना कोरोना संक्रमतिको उपचारका क्रममा मृत्यु भएको छ ।