पछिल्लो २४ घण्टामा एकैदिन ६ हजारभन्दा बढी कोरोनामुक्त

४ जेठ, काठमाडौं । नेपालमा पछिल्लो २४ घण्टामा मंगलबार एकैदिन ६ हजारभन्दा बढी कोरोना संक्रमित कोरोनामुक्त भएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार ८९१ जना कोरोना संक्रमित कोरोनामुक्त भएका छन्।

हालसम्म नेपालमा संक्रमणमुक्त हुनेको दर ७४.६ प्रतिशत छ। अहिलेसम्म ३ लाख ५२ हजार ४१४ जना कोरोनामुक्त भएको मन्त्रालयको तथ्यांक छ। आज नेपालमा ८ हजार भन्दा धेरै कोरोना संक्रमित थपिएका छन्। हाल देशभर १ लाख १४ हजार ५२९ जना सक्रिय कोरोना संक्रमित रहेको स्वास्थ्य मन्त्रालयले जनाएको छ।