भूकम्पकले घरको गारो भत्किँदा वृद्धा घाइते

५ जेठ, काठमाडौं । लमजुङ केन्द्रबिन्दु भएर आज बिहान गएको भूकम्पले  केही पुरान घर भत्किएका छन् र केही मानिस घाइते भएका छन्। भूकम्पले कच्ची घरहरू र  पर्खालमा क्षति पुर्याएको छ भने केही स्थानमा सुख्खा पहिरो पनि गएको छ ।

लमजुङको भुलभुले केन्द्र रहेर बुधबार बिहान ५ बजेर ४२ मिनेटमा ५.८ म्याग्निच्युडको भूकम्पमा परि भुलभुलेकी ८५ वर्षीया वृद्धा घाइते छिन्। घरको गारो भत्किँदा उनी घाइते भएको र हाल उने उपचार भइरहेको प्रमुख जिल्ला अधिकारी होमप्रसाद लुइँटेले बताए ।  भूकम्पको धक्का गोरखा, तनहुँ, धादिङ, काठमाडौं, कास्की रुपन्देही लगायत जिल्लाका बासिन्दाले महसुश गरेका थिए।