पूर्व आईजीपी बरालको निधन

५ जेठ, काठमाडौं । राणाशासन विरोधी मुक्ति सेनाको कमाण्डरसमेत रहेका नेपाल प्रहरीका भूतपूर्व प्रहरी महानिरीक्षक खड्गजित बरालको आज बिहान महाराजगञ्जस्थित आफ्नै निवासमा निधन भएको छ । उनी ९३ वर्षका थिए ।

उनी २०२९ देखि ३०३५ सम्म नेपाल प्रहरीको महानिरीक्षक थिए । भारतीय स्वतन्त्रता संग्राममा समेत उनी होमिएका थिए । त्यसपछि उनी बीपी कोइरालासँगै नेपालमा राणा विरोधी आन्दोलनमा सक्रिय भएका थिए ।

नेपालमा प्रजातन्त्र आएको लामो समयपछि अर्थात २०१३ सालमा उनी नेपाल प्रहरीको इन्स्पेक्टरमा भर्ना भएका थिए । महानिरीक्षकबाट सेवानिवृत्त भएपछि बराल बर्माका लागि नेपाली राजदूत समेत भएका थिए ।

नेपाल प्रहरीभित्र बराललाई साहसिक, इमान्दार र कर्तव्यनिष्ठ प्रहरी अफिसरका रुपमा लिइन्छ । उनको कार्यकालमा नेपाल प्रहरीमा धेरै महत्वपूर्ण र ऐतिहासिक कामहरु भएकाले प्रहरीहरु उनलाई आदरपूर्वक हेर्ने गर्छन ।