बाँकेमा निषेधाज्ञा थप गरि कडाई, चोक चोकमा सेना परिचालन

५ जेठ, बाँके । बाँकेमा दैनिक १० देखि १५ जनाको कोरोनाका कारण मृत्यु भइरहेको छ । दैनिक मृत्युदर बढेसंगै निषेधाज्ञालाई कडाई गरिएको छ । बाँकेमा तेश्रो पटक निशेधाज्ञा थप गरि कडाई गरिएको हो ।

जिल्ला प्रशासन कार्यालय बाँकेले पछिल्लो समय जेठ १० गतेसम्म लकडाउन थप गरिएको छ । नेपालगन्जको चोक चोकमा नेपाली सेना खटिएका छन् । हरेक चोक चोकमा सशस्त्र प्रहरी नेपाल प्रहरी, नेपाली सेनालाई समेत ड्युटीमा खटाईको छ । कोरोना संक्रमणदर दिनप्रति दिन बढेसंगै लकडाउनलाई कडाई गर्न प्रहरी प्रशासनलाई थप कडाई गरिएको हो ।

बिहान खुकुलो बनाउने तर दिनभरी कडाई गरिने प्रबृत्ति पनि राम्रो नभएको स्थानियको आरोप छ । जिल्ला प्रशासनले दिनरात कडाई गरिनुपर्ने स्थानियको भनाई छ । कोरोनाको हटस्पट मानेको बाँकेमा थप कडाईका साथ लाग्नुपर्ने स्थानियको भनाई छ ।

यता बाँकेका प्रमुख जिल्ला अधिकारी शिवराम गेलालले भने गस्तीको रुपमा सेना चोक चोकमा खटाएको जानकारी गराए । निषेधाज्ञामा सेनाले गस्ती गर्ने प्रजिअ गेलालले जानकारी दिए ।