कोरोनाले डीएसपी राजकुमार केसीको ज्यान गयाे

६ जेठ, काठमाडौं । कोरोना भाइरसको संक्रमणका कारण प्रहरी नायब उपरीक्षक ‘डीएसपी’ राजकुमार केसीको ज्यान गएको छ । नेपाल प्रहरी अस्पतालमा उपचाररत उनको गएराति १ बजेर ४० मिनेटमा ज्यान गएको महानगरीय प्रहरी परिसर काठमाडाैंले जनाएको छ ।

दुई हप्ता अगाडि उनलाई कोरोना भाइरसको संक्रमण पुष्टि भएको थियो । स्वास्थ्यमा समस्या देखिएपछि केसीलाई प्रहरी अस्पतालमा भर्ना गरिएको थियो ।

उनी कागेश्वरी मनोहरा नगरपालिका मूलपानी स्थायी घर भएका व्यक्ति हुन् । उनी प्रहरी संगठन भित्र दक्ष र व्यवसायिक प्रहरी अधिकारीको रुपमा चिनिन्छन् ।