डेढ दर्जज विकास बैंकले सार्वजनिक गरे तेस्रो त्रैमासको वित्तीय विवरण, क–कसले कति गरे मुनाफा ?

६ जेठ, काठमाडौं । करिब डेढ दर्जन विकास बैंकले चालू आवको तेस्रो त्रैमासिक वित्तीय विवरण सार्वजनिक गरेका छन् ।

उक्त वित्तीय विवरण अनुसार उक्त अवधिसम्ममा ती बैंकहरुमध्ये सवैभन्दा बढी नारायणी डेभलपमेण्ट बैंक नोक्सानमा रहेको छ भने बाँकी १४ विकास बैंकहरु मुनाफामा छन् ।

सार्वजनिक वित्तीय विवरण अनुसार १४ बैकले कुल ४ अर्ब ७८ करोड ८८ हजार मुनाफा आर्जन गरेका हुन । गत आवको तेस्रो त्रैमासमा विकास बैंकहरुले २ अर्ब ५७ करोड ५४ लाख मुनाफा आर्जन गरेका थिए ।

नारायणी डेभलपमेण्ट बैंकले चालू आवको तेस्रो त्रैमाससम्मा ५२ लाख ५४ हजार नोक्सानी व्यहोरोको छ । गत आवको तेस्रो त्रैमासमा पनि कम्पनी १० लाख ९९ हजार नोक्सानी थियो ।

सबैभन्दा बढी मुक्तिनाथ विकास बैंकले नाफा कमाएको छ।उक्त कम्पनीले चालू आवको तेस्रो त्रैमाससम्ममा १ अर्ब ५६ लाख नाफा आर्जन गरेको हो । कम्पनीले गत आवको तेस्रो त्रैमासमा ६७ करोड ६० लाख नाफा कमाएको थियो । गत आवको तुलनामा चालू आवमा कम्पनीको नाफा ४८ दशमलव ७५ प्रतिशतले वृद्धि भएको हो ।

वित्तीय विवरण सार्वजनिक गरेका कम्पनीहरुमध्ये सबैभन्दा बढी वितरणयोग्य मुनाफा र प्रतिशेयर आम्दानीमा पनि मुक्तिनाथ विकास बैंकको रहेको छ । उक्त अवधिसम्ममा कम्पनीको वितरणयोग्य मुनाफा ८२ करोड ८७ लाख रहेको छ भने प्रतिशेयर आम्दानी २७ दशमलव ८७ पुगेको छ ।

एनएफआरएस प्रणाली अनुसार कम्पनीले आर्जन गरेको खुद नाफालाई बिभिन्न शिर्षकमा छुट्याएपछिको नाफानै वितरणयोग्य नाफा हो । यही नाफाबाट कम्पनीले शेयरधनीलाई लाभांश वितरण गर्ने गर्दछन् ।

वित्तीय विवरण प्रकाशित गरेका बैंकमध्ये कर्पोरेट डेभलपमेण्ट बैंक र ग्रीन डेभलपमेण्ट बैंकले भने वितरणयोग्य नाफा उल्लेख गरेका छैनन् ।