आज थप ६५४३ जना संक्रमित कोरोनामुक्त

६ जेठ, काठमाडौं । नेपालमा पछिल्लो २४ घण्टामा ६५४३ संक्रमित कोरोनामुक्त भएका छन् । स्वास्थ्य तथा जनसंख्या मन्त्रालयका अनुसार २१ हजार ६९५ जना पीसीआर र ३९२ जनाको एन्टीजेन परीक्षण गर्दा ८ हजार ३०५ जनामा पोजेटिभ देखिएको हो ।

मन्त्रालयका अनुसार आज थप १९० संक्रमितको मृत्यु भएको छ । अहिले १ लाख १५ हजार ८५२ जना संक्रमित आइसोलेसनमा छन् । नेपालमा कोरोना संक्रमितको संख्या ४ लाख ९२ हजार ४९९ पुगेको छ भने ३ लाख ६६ हजार ९४६ निको भएका छन् भने ५८ सय ४७ संक्रमितको मृत्यु भएको छ ।