ओलीकै नेतृत्वमा जसपाको ठाकुर र महतो पक्ष आजै सरकारमा सहभागी हुँदै  

७ जेठ, काठमाडौं । प्रधानमन्त्री केपी शर्मा ओली र जनता समाजवादीका नेता महन्थ ठाकुर बीच भएका सहमति अनुसार अब  जसपा आजै ओलीको नेतृत्व सरकारमा सहभागी हुने भएको छ । प्रधानमन्त्रालाई संविधानको धारा ७६ को ५ अनुसार पुनः प्रधानमन्त्री दावी पेश गर्न सघाएको जसपाले उक्त सहमति सार्वजनिकपछि औपचारिक रुपमा ओलीलाई सहयोग गर्ने र  संसदीय दलका नेता राजेन्द्र महतोको नेतृत्वमा  सरकारमा सहभागी हुने घोषणा गर्दैछ ।  आज दिउँसो सहमति सार्वजनिक गर्ने कार्यक्रम रहेको छ ।

प्रधानमन्त्री केपी शर्मा ओली र जनता समाजवादी पार्टीको ठाकुर-महतो पक्षबीच संविधान संशोधनका लागि कार्यदल बनाउने सहमति भएको छ। नागरिकता सम्वन्धि अध्यादेश जारी गर्न मन्त्रीपरिषदबाट स्वीकृत गरी राष्ट्रपति कार्यालयमा पठाइएको छ । केही कैदीबन्दी रिहाइ गर्दै रेशम चौधरी रिहाईको प्रक्रिया अघि बढाइएको छ ।

‘प्रधानमन्त्री केपी शर्मा ओलीले हाम्रा अधिकांश मागमुद्धा संबाेधन गर्नु भएको छ अब उहाँलाई साथ नदिनु राजनीतिक बेइमानी हो अब उहाँलाई साथ दिने निर्णय गर्छ र हामी सरकार पनि जान्छौ ।’ ठाकुर निकट जसपा नेताले भने । उनले संविधानको धारा ७६ को ५ अनुसार आजै ओलीको नेतृत्वमा नयाँ सरकार गठन हुने र त्यसमा जसपा पनि सहभागी हुने उनले बताएका छन् ।

बालुवाटार स्रोतका अनुसार आज बेलुका ५ बजेपछि राष्ट्रपति बिद्यादेवी भाण्डारीले प्रधानमन्त्री  केपी शर्मा ओलीलाई  संविधानको धारा ७६ को ५ अनुसार पुन; प्रधानमन्त्री नियुक्ती गर्ने र  त्यसपछि ओलीको नेतृत्वमा जसपाको ठाकुर र महतो पक्ष सरकारमा सहभागी हुने  छ।

त्यसका लागी ठाकुर र महतोको साथ लिएर प्रधानमन्त्री ओलीले ७६ को ५ अनुसार प्रधानमन्त्री नियुक्तिका लागि राष्ट्रपति समक्ष दावी पेश गरी सकेका छन् । प्रधानमन्त्रीमा दावी पेश गर्न राष्ट्रपतिले बेलुका ५ बजेसम्मको समयसीमा दिएकी छन् ।  ओलीले जसपाले राखेका नागरिकता कैदीबन्दी रिहाई  मागहरु संबाेधन गरेपछि महन्थ र ठाकुर पक्ष उनको नेतृत्वमा सरकारमा सहभागी हुन तयार भएको हो । यसका लागि जसपाको ठाकुर महतो पक्षले संसदीय दलको बैठक बोलाएको छ । बैठकमा उपेन्द्र यादव पक्षलाई भने खबर गरिएको छैन ।