संसद विघटको कदमविरुद्ध भावी रणनीति तय गर्न संयुक्त्त छलफलमा विपक्षीहरु

८ जेठ, काठमाडौं । सरकारले प्रतिनिधिसभा विघटन गर्दै मध्यावधि चुनाव मिति तोकेपछि भावी रणनीति तय गर्न विपक्षीदलहरुको संयुक्त बैठक बस्दै छ । बैठक अब केहीवेरमा प्रतिनिधि सभा भवन नायाँ बनेश्वरमा बस्न लागेको हो । यस अघि दलहरुले आफ्नो छुटा छुटै बैठक गरिरहेका छन् ।

बैठकमा नेपाली कांग्रेस, नेकपा (माओवादी केन्द्र), नेकपा (एमाले) को माधवकुमार नेपाल पक्ष, जनता समाजवादीको बाबुराम भट्टराई-उपेन्द्र यादव पक्ष र राष्ट्रिय जनमोर्चा (राजमो) सहभागी हुनेछन्।

प्रधानमन्त्री पदमा कांग्रेस सभापति शेरबहादुर देउवा र एमाले अध्यक्ष केपी शर्मा ओली दुवैको दाबी नपुगेको राष्ट्रपतिले जनाएपछि शुक्रबार मध्यराति मन्त्रीपरिषद् बैठक बसी संसद विघटन गरी   कार्तिक मंसिरमा निर्वाचन घोषणा गरिएको छ।