उपत्यकामा निषेधाज्ञा अझै एक साता थप्ने तयारी

१० जेठ, काठमडौं । उपत्यकामा लगाइएको निषेधाज्ञा अझै एक साता थप्ने तयारी गरिएको छ । जिल्ला प्रशासन कार्यालय काठमाडौंका प्रमुख जिल्ला अधिकारी कालीप्रसाद पराजुलीले त्यसको पुष्टी गरेका छन् ।

जेठ १३ गतेसम्म कायम निषेधाज्ञा एक साता थप्ने विषयमा तीनवटै प्रमुख जिल्ला अधिकारीहरुबीच मौखिक कुरा भएको पनि उनले बताए । सम्भवतः भोलि साँझसम्म औपचारिक बैठक बसेर एक साता थप्ने निर्णय हुने उनले बताए ।

कतिपय ठाउँमा भने अझै भीडभाड कायमै रहेको भन्दै त्यसमा अब थप कडाई हुने पनि बताए । खासगरी तरकारी पसलहरुमा धेरै नै भीड हुने गरेको र यसले जोखिम बढाएको भन्दै उनले यसबारे ठोस निर्णय नभएपनि के गर्ने भन्ने चाहिं सोचिएको बताए ।