लम्ब्याइयाे बर्दियामा पनि १० दिन निषेधाज्ञा

१० जेठ, बर्दिया । बर्दियामा पनि १० दिन निषेधाज्ञा थप गरिएको छ । यसअघि जिल्लाभर जेठ १० गतेसम्मका लागि लागु गरिएको निषेधआज्ञा थप १० दिनका लागि लम्ब्याइएको हो ।

बर्दियामा कोरोना संक्रमित र मृतकको संख्या दिनानुदिन बढ्न थालेपछि स्थानीय प्रशासनले जेठ १० गते सम्मका लागि जारी गरेको निषेधाज्ञा अब जेठ २० गतेसम्म बढाएको हो ।

साथै भारतबाट आउनेहरुलाइ अनिवार्य क्वारेन्टाइनमा बस्न पनि भनिएको छ । जिल्लाका ८ वटै पालिकामा संक्रमितको संख्या बढेपछि स्थानीय प्रशासनले लकडाउन बढाएको हो ।

यस अवधिमा दैनिक उपभोग्य वस्तु-तरकारी, खाद्य, दूध, ग्यासका पसल बिहान ६ बजे देखि ९ बजेसम्म सन्चालन गर्न पाइनेछ । आदेशको अवज्ञा वा अवहेलना गर्ने वा काममा बाधा पुर्याउने व्यक्तिलाई संक्रामक रोग ऐन, २०२० तथा स्थानीय प्रशासन ऐन २०२८ बमोजिम कारबाही गरिने छ ।