कोरोनाबाट आज थप १६९ जनाको मृत्यु, कति संक्रमित ?

११ जेठ, काठमाडौं । नेपालमा मंगलबार पछिल्लो २४ घण्टामा कोरोना भाइरस संक्रमणबाट थप १६९ जनाको मृत्यु भएको छ । स्वास्थ्य मन्त्रालयका अनुसार आज थप ८६३६ जनामा संक्रमण पुष्टि भएको छ ।

मन्त्रालयका अनुसार आज देशभरका प्रयोगशालामा २२ हजार ३०६ नमुनाको पीसीआर टेष्ट गर्दा ८३८७ र ६३० को एन्टिजेन टेष्ट गर्दा २४९ जनामा संक्रमण पुष्टि भएको हो ।

नेपालमा अहिले १ लाख १७ हजार २६१ जना सक्रिय संक्रमित छन्। नेपालमा कोरोना संक्रमितको संख्या ५ लाख २८ हजार ८४८ पुगेको छ। जसमध्ये ४ लाख ४ हजार ८८७ जना निको भएका छन् भने ६ हजार ७०० जनाको मृत्यु भएको छ।