आज कांग्रेसको पदाधिकारी बैठक बस्दैं

१२ जेठ, काठमाडौं ।  नेपाली कांग्रेसको पदाधिकारी बैठक आज बस्दै छ। पार्टी सभापति शेरबहादुर देउवाले बिहान ९ बजे बोलाएको बैठकमा पदाधिकार सहित पूर्व पदाधिकारी र केही केन्द्रीय सदस्यहरुलाई समेत बोलाइएको पार्टी कार्यकालयका मुख्यसचिव कृष्णप्रसाद पौडेलले जानकारी दिएका छन् ।

देउवा निवास बूढानीलकण्ठमा बस्‍ने बैठकमा  प्रतिनिधि सभा विघटन, पछिल्लो राजनीतिक घटनाक्रम  र पार्टी अधिवेशनको तयारी लगायत विषयमा छलफल हुने बताइएको छ ।

प्रतिनिधिसभा पुर्नस्थापना गर्न र कांग्रेस सभापति देउवालाई प्रधानमन्त्री बनाउन माग गर्दै विपक्षी गठबन्धनले सोमबार सर्वोच्च अदातलमा मुद्धादर्ता गरेका छन् । ती मुद्धा उपर शुक्रबारदेखि संवैधानिक इजलसमा सुनुवाई सुरु हुने बताइएको छ।