संक्रमणबाट सप्तरीमा थप दुई संक्रमितको मृत्यु

१२ जेठ, सप्तरी । ज्यानमारा भाइरसबाट सप्तरीमा थप दुईजना कोरोना संक्रमितको मृत्यु भएको छ । संक्रमण भएपछि गजेन्द्रनारायण सिंह अस्पताल, राजविराजमा उपचार गराइरहेका एक महिला र पुरुषको मंगलबार राती मृत्यु भएको हो ।

अस्पतालका अनुसार रुपनी गाउँपालिका वडा नम्बर २ की ५५ बर्षीया महिला र सुरुंगा नगरपालिका ९ का ७५ बर्षीय पुरुषको एचडियू बेडमा उपचार भइरहेको समयमा मृत्यु हो ।

कोरोना संक्रमित महिला गत जेठ ६ गतेदेखि र पुरुष ८ गतेदेखि अस्पतारमा उपचार गराइरहेका थिए । योसँगै जिल्लामा कोरोनाको दोस्रो लहरमा कोरोना संक्रमणबाटै ५८ जनाको मृत्यु भएको छ ।