तत्काल बजेट अधिवेशन नबोलाए विशेष अधिवेशनका लागि समावेदन गर्ने चेतावनी !

१३ जेठ, काठमाडौं । प्रदेश १ का विपक्षी दलहरुले सरकारले तत्काल बजेट अधिवेशन नबोलाए विशेष अधिवेशनका लागि समावेदन गर्ने चेतावनी दिएका छन् । प्रदेश सरकारले बजेट अधिवेशन बोलाउन आलटाल गरिरहेका वेला प्रदेश सभाबाट बजेट ल्याउन तत्कालै  बजेट अधिवेशन बोलाउन सरकारसँग प्रतिपक्षी दलहरुले माग गरेका हुन ।

प्रमुख प्रतिपक्षी दल नेपाली कांग्रेस, नेकपा माओवादी केन्द्र, जनता समाजवादी पार्टी र संघिय लोकतान्त्रिक राष्ट्रिय मंचको तत्काल नीति तथा कार्यक्रम ल्याएर मात्र बजेट ल्याउनुपर्ने माग गरेका छन् ।

प्रदेश कार्यविधि ऐन र प्रदेश सभा नियमावली अनुसार बजेट प्रस्तुत हुनुभन्दा १५ दिन अघि नै पूर्व बजेट छलफल भईसक्नुपर्ने बाध्यात्मक व्यवस्था भएपनि बजेट अधिवेशन नबोलाइएको गुनासो गरेका थिए । ‍

यसैगरी बैठकले कोरोना महामारीका कारण प्रभावित जनताका लागि अस्पताल, आइसोलेशन र स्वास्थ्य सम्बन्धी व्यवस्थापन प्रभावकारी बनाउन तथा विशेष राहत प्याकेज ल्याउन समेत प्रदेश सरकारको ध्यानाकर्षण गराएका छन् ।