बजेटमा मतदातालाई प्रभाव पर्ने कार्यक्रम नराख्न सरकारलाई पूर्व निर्वाचन आयुक्तहरुको आग्रह

१३ जेठ, काठमाडौं । अध्यादेशमार्फत  शनिवार पूर्ण बजेट ल्याउने तयारी सरकारले गरिरहँदा पूर्व प्रमुख निर्वाचन आयुक्तहरुले मतदातालाई प्रभाव पार्ने खालको कार्यक्रम बजेटमा नराख्न  आग्रह गरेका छन् ।  पूर्वप्रमुख निर्वाचन आयुक्तहरू सूर्यप्रसाद श्रेष्ठ, भोजराज पोखरेल, नीलकण्ठ उप्रेती, डा. अयोधिप्रसाद यादव र आयुक्त दोलखबहादुर गुरूङले आज एक विज्ञप्ति जारी गर्दै यस्तो सुझाव दिएका हुन ।

‘वर्तमान कामचलाउ सरकारले आगामी आर्थिक बर्षको बजेट ल्याउँदा स्वाच्छ, स्वतन्त्र र निष्पक्क्ष निर्वाचनको लागि समान प्रतिस्पर्धाको सिद्धान्तभित्र रही मतदातालाई कुनै एक पक्षमा लाग्न प्रभाव पार्नेगरी लक्षित कुनै किसिमका नयाँ नीति कार्यक्रम वा बजेट विनियोजन नगर्न सरकारको ध्यानाकर्षण गर्न चाहन्छौं ।’

विज्ञप्तिमा भनिएको छ ‘यस विषयमा आफ्नो संवैधानिक दायित्वको ख्याल गरी निर्वाचन आयोगले सम्बद्ध पक्षलाई समयमा नै सजग गराउनेछ भन्ने हामीले विश्वास लिएका छौं ।’  विज्ञाप्तिमा भनिएको छ ।