अब सबै रिट संवैधानिक इजलाशमा

१३ जेठ, काठमाडौं । प्रतिनिधिसभा बिघटन सम्बन्धी सबै रिट अब संवैधानिक इजलाशबाट निरुपण हुने भएको छ । आज प्रधानन्यायधीश चोलेन्द्रशमशेर राणाले १९ वटा रिट उपर पहिलो सुनुवाई गर्दै यस्तो आदेश दिएका हुन् ।

बाँकी ११ वटा रिट भने यसअघि नै संवैधानिक इजलाशबाट निरुपण हुने गरी दर्ता भएको थियो । अब सबै रिटको एकैपटक संवैधानिक इजलाशबाटै सुनुवाई हुने भएको छ ।

भोलिबाट संवैधानिक इजलाशले यस सम्बन्धी रिटको सुनुवाई गर्दैछ । प्रधानमन्त्री केपी ओलीले यही जेठ ७ गते मध्यरातमा प्रतिनिधिसभा विघटनका लागि राष्ट्रपति समक्ष सिफारिश गरेका थिए ।