गायक प्रमोदले कोरोनालाई सहजै परास्त गरे

गायक प्रमोद खरेलले कोरोना भाइरसलाई सहजै परास्त गरेका छन् । आइसोलेसनबाट आजबाट मात्रै बाहिर निस्किएका प्रमोदले सामाजिक सञ्जाल  ट्वीटरमा एक विचार लेख्दै भनेका छन्, सुरुवातको ५ दिन निकै डर लागेको थियो ।

गतबर्ष पनि कोरोना संक्रमण भएको थियो । गतबर्ष भने उनले कोरोनालाई सहजै परास्त गरे । खासै समस्या भएन । उनै, प्रमोदले एक महिना अगाडि मात्र कोरोनाको पहिलो डोज खोप लगाएका थिए । यसैले, पनि यसपटक आफूलाई कोरोना संक्रमण नहोला भन्ने उनलाई लागेको थियो ।

तर, १२ दिन अगाडि उनलाई ज्वरो आयो । ज्वरो आउने र ज्यान दुख्ने हुन थालेपछि प्रमोदलाई कोरोना संक्रमण भयो कि भन्ने शंका लाग्यो । यसपछि परिक्षण गर्दा उनलाई कोरोना पोजिटिभ देखियो । कोरोना पोजिटिभ देखिएपछि प्रमोद घरमै आइसोलेसनमा बसे ।

आठ महिना को अन्तरमा २ चोटि आक्रमण गर्यौ #कोरोना ले । पहिलो डोज भ्याक्सिन पनि लाएकै थियो । तर पनि आएरै छोड्यो । र आइसोलेसन बाट आज मुक्त भइयो ।
यस बीचमा उपचार मा सहयोग गर्नु हुने सबैलाइ धेरै धन्यवाद

आग्रह – पहिला लागेको र खोप लाए पनि सचेत रहौं, सुरक्षित रहौं pic.twitter.com/sFeo9CqPnj

— Pramod Kharel (@kharel777) May 27, 2021

साथै उनले प्रमोदले सामाजिक संजालमा कोरोनाका कारण मृत्यु भएका मानिसहरुलाई श्रद्धाञ्जली दिनु भन्दा फोन वा म्यासेज गरेर परिवारलाई सान्त्वना दिन आग्रह गरेका छन् ।

प्रमोदलाई कोरोना संक्रमण भएपनि उनको परिवारलाई भने यसले असर गरेको छैन । कोरोना संक्रमण भएको १२ दिन भएकाले प्रमोद आइसोलेसनबाट बाहिर आएका छन् । तर, कोरोनाको रिकोभरी समय हुने भएकाले अझै दुई साता आफू बाहिर ननिस्कने प्रमोद बताउँछन् ।