आर्थिक सर्वेक्षण सार्वजनिक: आर्थिक बृद्धि हासिल नहुने स्वीकारोक्ति

१४ जेठ, काठमाडाैं । अर्थमन्त्री विष्णुप्रसाद पौडेलले चालू आर्थिक वर्षमा निर्धारित आर्थिक वृद्धि हासिल गर्न नसकिने स्वीकार गरेका छन् । आज अर्थ मन्त्रालयमा आयोजित आर्थिक सर्वेक्षण सार्वजनिकीकरण कार्यक्रमलाई संवोधन गर्दै उनले भने–४.१ प्रतिशतकाे आर्थिक बृद्धि हुने भनी गरिएको प्रक्षेपण पूरा नहुने भएको छ ।

यसका लागि उनले कोरोना भाइरसको फैलँदो संक्रमणलाई दोष लगाए । कोरोनाका कारण निर्धारित आर्थिक वृद्धिदर हासिल गर्न नसकिने अवस्था आएको हो ।

तर मन्त्रालयका सचिव शिशिरकुमार ढुँगानाले भने आर्थिक बृद्धिदर बाहेक अरु सूचाङ्क राम्रो रहेको दाबी गरे । आयात प्रतिस्थापन निर्यात वृद्धि र राजश्व संकलनमा बढोत्तरी भएको उनले दाबी गरे ।