सिडियो कार्यालय पुगे, भेरी अस्पतालका स्वास्थ्यकर्मी

१४ जेठ, काठमाडौं । स्वास्थ्यकर्मीको लापरबाहीले मृत्यु भएको भन्दै ड्युटीमा रहेका चिकित्सक तथा नर्समाथि आक्रमण गर्नेलाई कारबाही गर्नुपर्ने माग राख्दै भेरी अस्पतालका स्वास्थ्यकर्मी जिल्ला प्रशासन कार्यालय पुगेका छन् ।

स्वास्थ्यकर्मीहरुले दोषीलाई आफूहरु माँझ उपस्थित गराउनुपर्ने माग राख्दै जिल्ला प्रशासन कार्यालय पुगेका हुन् । घटनाबारे बुझ्न र साथ दिन प्रमुख जिल्ला अधिकारी अस्पताल नगएपछि उनीहरु आफैं प्रशासन कार्यालयमा पुगेकाे नेपाल पत्रकार महासंघ बाँके शाखाका अध्यक्ष  दामोदर भण्डारीले नेपालबहस डटकमलाई बताए ।

घटनाको विरोध गर्दै भेरी अस्पतालका कर्मचारीले अपराधीलाई आफ्नो अगाडि उपस्थित नगराएरसम्म र कारबाहीको ग्यारेन्टी नभएसम्म अस्पतालमा नयाँ बिरामी भर्ना नलिने बताइकेका छन् । बाँकेका प्रमुख जिल्ला अधिकारी शिबराम गेलालको उपस्थितिमा अहिले सम्बद्ध सरोकारवाला बीच बैठक बसिरहेको छ।