नेतृत्वले जनताको विश्वास र भरोसा जित्नु पर्छ : डा. शेखर

नेपाली कांग्रेसका प्रभावशाली नेता डा. शेखर कोइरालाले अबको नेपाली राजनीति निष्ठा र ईमान्दारिताको आधारमा अगाडि बढने विश्वास व्इक्त गरेका छन् ।

नेपालमा मौलाएको गलत राजनैतिक सस्कार र नेतृत्व तहको भ्रष्टाचारको दुर्गन्धले नेपाली जनताको राजनैतिक दलहरु प्रतिको विश्वास राजनीति प्रतिको आस्थामा क्षयिकरण हुदै गैरहेको प्रति दुःख समेत व्यक्त गरेका हुन । जनताको राजनैतिक क्रियाशिलतामा कमी तथा नैराष्यता आउनुले नेतृत्व तह प्रतिको निरन्तरको अविश्वास पनि एक हो भन्दै राजनैतिक नेतृत्व सधैं देश र जनता प्रति उत्तरदायी रहनु पर्ने कुरामा समेत जोड दिएका छन् ।

कांग्रेस वृत्तमा भावी सभापतिको रुपमा समेत हेरिएका नेता डा. शेखरका हरेक भनाईहरुमा जनताको भावना प्रतिनिधित्व हुने गरेको पाईन्छ । जनतालाई केन्द्रमा राखेर गरिने कामहरुले देशको कहिल्यै कुभलो नगर्ने बताउने उनी युवा पुस्ताका लागि पनि उत्तिकै भरोषा र आशाका केन्द्र मानिन्छन् ।

जनताका घरघरमा पुग्न सक्ने नेताका रुपमा परिचित डा. शेखर भन्छन्, यदि नेपालमा रहेका राजनैतिक दलहरुको यस्तै रबैया रहि रहने हो भने मुलुक डन र गुण्डाहरुको ईसारामा चल्ने खतरा रहेको देखिदैछ । राजनीतिलाई जनताको सेवा गर्ने अवसरका रुपमा लिनु पर्छ भन्ने अग्रज नेतृत्वको आदर्श र सिद्धान्तलाई लत्याएर द्रव्य आजर्न गर्ने भाँडोको रुपमा प्रयोग गरिनुले नेपालमा जतिसुकै राजनैतिक परिवर्तनका आन्दोलहरु भएतापनि जनताको दैनन्दीनिमा कुनै परिवर्तन आउन नसकेको स्विकार गरेका छन् ।

जनताले राजनैतिक दलहरुबाट सधैं ईमान्दारिताको आशा राखेता पनि हामीले किन त्यस्तो अवस्था सृजना गर्न सकेनौ भन्दै उनले राजनैतिक दलको अकर्मण्यताको असर नागरिकहरुले भोग्नु परिरहेको प्रति चिन्ता व्यक्त गरेका छन् । यदि हामीले अझै पनि राजनीतिलाई सहि ट्याकमा ल्याउन सकेनौ भने यसको असर चिरकालसम्म नेपालका राजनैतिक दलहरुले समेत व्यहोर्नु पर्ने बताएका छन् ।

नेपाली कांग्रेसले जनताको चाहना र भावना अनुरुप काम गर्न नसकी देशको शासनसत्ता सम्हाल्न नसक्दा देशमा कम्युनिष्टहरुको बिगबिगी बढनु स्वभाविकै हो । वर्तमान ओली नेतृत्वको बहुलट्ठिपनको सरकारका कारण देशमा असाध्यै धेरै बेथिति बढनुका साथै नेपाली जनताको त्याग, समर्पण र बलिदानबाट प्राप्त ब्यवस्थामाथि नै प्रहार हुनसक्ने खतरा बढी रहेका बेला नेपाली कांग्रेस चुप लागेर बस्न नहुने तर्क कोइरालाको रहेको छ ।

देशको नेतृत्व सम्हाल्नै नसक्ने कम्युनिष्टहरुलाई सधै रत्यौली खेल्न दिईरहनु र आफु बाहिर बसेर रमिते हुनु नेपाली कांग्रेसको धर्म होईन भन्दै उनले बिगत ३ बर्षमा नेपाली जनताले पाउनु दुःख पाईसकेको बताएका छन् । हिजो नेपाली जनताले नेपालका कम्युनिष्ट पार्टीहरुलाई केहि होला कि भनेर आशा र भरोषाका साथ दिएको अभिमत पनि अहिले आएर निकम्मा साबित भैसकेको अवस्थामा नेपाली जनताको आशा र भरोसा नेपाली कांग्रेस तर्फ पुनः आकर्षित गराउन नेपाली कांग्रेस अत्यन्तै ईमान्दारिताका साथ उक्त जिम्मेवारी निभाउन जरुरी रहेको उनी बताउँछन् ।

देशलाई दुर्घटना हुनबाट बचाउँन, जँड्याहा ड्राईभरको हातबाट स्टेरिङ्गखोसेर गाडीलाई सहि गन्तब्यमा पुर्याउने शाहस र हिम्मतका रुपमा लिनु पर्छ ।

देशले अब वर्तमान प्रधानमन्त्रीको बहिर्गमन खोजिसकेको छ । केपी शर्मा ओली नेतृत्वको सरकार वास्तवमा नेपाली जनताको सरकार बन्नै नसके पछि आफ्नै दल भित्रको बिबाद र चक्रब्यूहबाट अब बाहिर निस्कन सक्ने अवस्था नरहेको जग जाहेर भैसकेको छ । देशलाई बिना मियोको दाँई गर्ने आँगनमात्रै बनाउने हो भने भविष्यमा नेपाली जनताले कहिल्यै पनि नेपालका राजनैतिक दलहरुलाई बिश्वास गर्न नसक्ने अवस्था आउने तर्फ डा. शेखर अत्यन्तै चिन्तित देखिन्छन् ।

भेटेजति सोहोरी हाल्ने अपुतालिहरुबाट मुलुकलाई त्राण दिने नेतृत्व अगाडि आउन जरुरी भैसकेको अवस्था छ । उनी भन्छन्, संभवत अब नेपालमा कम्युनिष्ट पार्टीको एकलौटी सरकारको परिकल्पना हुने दिन पनि समाप्त भएर गैसकेका छन् । यसलाई नेपाली कांग्रेसले चिट्ठामा परेको पुरस्कारको रुपमा मात्रै नलिई देशलाई दुर्घटना हुनबाट बचाउँन, जँड्याहा ड्राईभरको हातबाट स्टेरिङ्गखोसेर गाडीलाई सहि गन्तब्यमा पुर्याउने शाहस र हिम्मतका रुपमा लिनु पर्छ ।

डा. शेखरले बिहिबार राती नेपालगञ्ज स्थित भेरी अञ्चल अस्पतालमा कार्यरत चिकित्सकहरु र नर्सहरुमाथि भएको आक्रमणको समेत बिरोध जनाएका छन् । आफ्नो फेसबुक वालमा लेखेका छन्, सत्ता र पार्टीवाट संरक्षितहरुद्वारा महामारीको यस्तो विषम परिस्थितिमा अहोरात्र ड्युटीमा खटिएका चिकित्सक,नर्स तथा स्वास्थ्यकर्मीहरुमाथि हमला गर्नु जघन्य अपराध हो।

नेपालगञ्ज र विराटनगरका चिकित्सक,नर्स तथा स्वास्थ्यकर्मीहरु आक्रमण गर्नेमाथी कानुनी कारवाही गरौं, सामाजिक बहिष्कार गरौं ।