प्रतिनिधिसभा विघटन विरुद्धको मुद्धामा आजपनि सुनुवाई हुँदैं

१६ जेठ, काठमाडौं । प्रतिनिधिसभा विघटनविरूद्धका मुद्दामा संवैधानिक इजलाशमा आज पनि सुनुवाई जारी रहने छ । शुक्रबार पहिलो सुनुवाई भएपनि बहस नसकिएपछि आज पुनः सुनुवाई हुन लागेको हो ।

सुनुवाईको क्रममा प्रधान न्यायाधीश चोलेन्द्रशमशेर राणाले बहसका लागि रिट निवेदकलाई १० देखि १५ मिनेटसम्मको समय तोकिदिएका छन् । शुक्रबार ३ बजेसम्मका लागि सुनुवाईको तयारी गरिएको भए पनि कानुनविद गोबिन्द बन्दीले इजलाश गठनमा प्रश्न उठाएपछि आइतबारसम्मका लागि स्थगित गरिएको थियो ।

अधिवक्ता बन्दीले बहस गर्नुअघि नेपाल कम्युनिष्ट पार्टी (नेकपा) लाई दुई टुक्रा हुने गरी फैलसा गर्ने न्यायाधीश बमकुमार श्रेष्ठको सहभागितालाई लिएर प्रश्न उठाएका थिए ।

नेकपा पार्टी उनको इजलासले दुई टुक्रा बनाई दियो, उनीबाट कसरी प्रभावित हुँदैन ? त्यहीसँग जोडिएको मुद्दामा उनको सहभागिताले प्रश्न उठाएको भन्दै प्रतिप्रश्न गरेपछि प्रधानन्यायाधीश राणाले व्यक्तिका बारेमा प्रश्न नउठाउन अनुरोध गर्दै शुक्रबारको इजलास आइतावार सम्मका लागि सारिएको थियो ।

संवैधानिक इजलासमा प्रतिनिधिसभा विघटनसम्बन्धी ३० वटा रिट दर्ता भएका छन् ।