केन्द्रीय बैंकले मुद्दती निक्षेपमा २४ करोड ९३ लाख लगानी गर्दै

१६ जेठ, काठमाडौं । नेपाल राष्ट्र बैंक लिमिटेडले २४ करोड ९३ लाख रुपैयाँ मुद्दती निक्षेपमा लगानी गर्ने भएको छ ।

बैंकले बैंकको विभिन्न कोषहरूमा रहेको उक्त रकम ३६५ दिनका लागि (२०७८ साल असार १ गतेदेखि २०७९ साल जेठ ३१ गतेसम्म) बैंक तथा वित्तीय संस्थाको मुद्दती निक्षेपमा लगानी गर्न लागिएको एक सूचना मार्फत जानकारी दिएको छ ।

बैंकले ‘क’ वर्गका वाणिज्य बैंकमा १९ करोड ९६ लाख रुपैयाँ, ‘ख’ वर्गका विकास बैंकहरुमा ३ करोड ७३ लाख रुपैयाँ र ‘ग’ वर्गका वित्त कम्पनीहरुमा १ करोड २४ लाख रुपैयाँ गरी कूल २४ करोड ९३ लाख रुपैयाँ लगानी गर्न लागेको हो ।

तलको सूचनामा उल्लेखि शर्त बमोजिम बैंक तथा वित्तीय संस्थाले जेठ १८ गते, २ बजेदेखि जेठ १९ गते, २ बजेसम्म आफूले लिन चाहेको रकम तथा उक्त रकमका लागि प्रस्ताव गरिएको व्याजदर समेत खुलाएर राष्ट्र बैंकमा पेश गर्नुपर्नेछ ।

मुद्दती निक्षेपको बारेमा सम्पूर्ण विवरण यस प्रकारको छः