नेता भुसालसहित थप १२ नेतालाई पार्टी निष्कासनको कारवाही गरिदैं

१७ जेठ, काठमाडौं ।  नेकपा एमालेले नेपाली कांग्रेसका सभापति शेरवबहादुर देउवालाई प्रधानमन्त्री बनाउन हस्तक्षर गर्ने नेता घनश्याम भुसालसहित थप १२ नेतालाई पार्टीबाट निश्कासित गर्ने तयारी गरेको छ । उनीहरुलाई  कारवाही गर्न प्रधानमन्त्री निवास बालुवाटारमा एमाले स्थायी कमिटीको बैठक बस्दैछ ।

यसअघि स्थायी कमिटी बैठकले एमाले वरिष्ठ नेता माधवकुमार नेपालसहित ११ नेतालाई साधारण सदस्य समेत नरहने गरी पार्टीबाट निष्कासित गरेको थियो।

गत सोमवार मात्र भुसालसहितका १२ नेतालाइ स्पष्टिकरण सोधिएको थियो । जसमा सुरेन्द्र पाण्डे भवानी खापुङ, यज्ञराज सुनुवार, विरोध खतिवडा,जीवनराम श्रेष्ठ, कृष्णलाल महर्जन, सोमप्रसाद पाण्डे, मेटमणि चौधरी, झपट रावल, दीपकप्रकाश भट्ट र नारायण खतिवडा रहेका छन् ।

आजको बैठकमा मुलत उनीहरुलाई ककस्तो कारवाही गर्ने भन्ने विषयमा निर्णय लिइने नेताहरुले बताएका छन् । हिजो साँझको लागि तोकिएको बैठक प्रधानमन्त्रीको कार्य ब्यस्तताका कारण आज विहान १० बजेका लागि सरिएको हो ।

यस्तै बैठकमा गत शनिबार प्रस्तुत गरिएको आर्थिक वर्ष २०७८/७९ को बजेटको बारेमा समेत छलफल हुने बताइएको छ।