अपी हिमालमा यार्सा सङ्कलक महिलाको मृत्यु

१७ जेठ,दार्चुला । दार्चुलामा यार्सा सङ्कलनमा गएकी एक महिलाको मृत्यु भएको छ । मृत्यु हुनेमा अपी हिमाल गाउँपालिका–५ की ४० वर्षीया चुन्धरी धामी रहेकी छिन् । उनको अपी हिमाल गाउँपालिकाको सातगङ्गा वनमा यार्सा सङ्कलन गर्न गएको बेला मृत्यु भएको हो ।

यार्सागुम्बा सङ्कलनका लागि गत वैशाखमै पाटन पुगेकी धामीको पेट दुख्ने समस्या थियो । दुई÷तीन दिनसम्म पेट दुख्न निको नभएपछि मृत्यु भएको आफन्तले जनाएका छन् । मृतकको शवलाई आइतबार घर ल्याइएको छ । मृतकका दुई छारा र दुई छोरी छन् । यसअघि अपी हिमाल गाउँपालिका–४ का एक मोहनसिंह ठेकरेको पनि यार्सागुम्बा सङ्कलनका क्रममा हिउँ पहिरामा परी मृत्यु भएको थियो ।