कांग्रेस फुटाउने रे ! बस्नेत माननीयले दिउँसै गाजा खाएर गफ दिने: नेता खतिवडा

१८ जेठ, काठमाडौं । नेपाली कांग्रेसका युवा नेता एवम् पूर्वसांसद रामहरि खतिवडाले नेकपा एमाले नेता एवं पूर्वमन्त्री महेश बस्नेतलाई औकातमा बस्न चेतावनी दिएका छन् । कांग्रेस नेता रामहरी खतिवडाले आफ्नै पार्टी एमालेलाई बचाउन नसक्नेले कांग्रेस फुटाउने कुरा गरेको भन्दै एमाले नेता बस्नेतहरूलाई औकातमा बस्न सचेत गराएका हुन ।

एमालेको भ्रातृ संगठन युवा संघ नेपालको भर्चुअल बैठकलाई हिजो बस्नेतले नेपाली कांग्रेसलाई फुटाउने अभिव्यक्ति दिएका थिए । बस्नेतको त्यो अभिव्यक्तिप्रति कांग्रेस नेता खतिवडाले कडा प्रहार गरेका छन् ।

बस्नेतलाई जवाफ दिदै खतिवडाले सामाजिक संजालमा फेसबुकमा लेखेका छन्, ‘महेश  बस्नेत भन्ने पुर्ब मन्त्री  र माननीय दिउँसै गाजा खाएर गफ दिन थालेछ्न । काङ्ग्रेस फुटाउने रे ? आफ्नो पार्टी  दुई तिहाईबाट अल्पमतमा पुगेर  आफैंले एमालेबाट केही नेतालाई  (माझ समुह ) हटाइएको अनि रास्ट्रपतिको साहाराले अध्यादेशमा अपहरणमार्फत देश चलाएको बिर्से कसो ? अपहरण बन्द गर !’

महेश बस्नेत भन्ने पुर्ब मन्त्री र माननीय दिउसै गाजा खाएर गफ दिन थालेछ्न।
काङ्ग्रेस फुटाउने रे ?
आफ्नो पार्टी दुई तिहाई बाटअल्पमतमा पुगेर आफैंले एमालेबाट केहि नेतालाई (माझ समुह )
हटाइएको अनि रास्ट्रपतिको सहाराले अध्यादेशमा अपहरण मार्फत देश चलाएको बिर्से कसो ?
अपहरण बन्द गर!

— Ramhari Khatiwada (@RamhariKhatiwa) May 31, 2021