प्रदेश १ सरकारद्वारा बजेट अधिवेशनका आव्हानको सिफारिस

२० जेठ, काठमाडौ । प्रदेश १ सरकारले जेठ २४ गते प्रदेशको बजेट अधिवेशन आव्हानका लागि सिफारिश गरेको छ । आज बिहान विराटनगरस्थित मुख्यमन्त्री तथा मन्त्रीपरिषद कार्यालयमा बसेको बैठकले जेठ २४ गते दिनको २ बजे बजेट अधिवेशन बोलाउन प्रदेश प्रमुखलाई सिफारिश गर्ने निर्णय  गरेकाे प्रदेश सरकारका प्रवक्ता एवम् आन्तरिक मामिला तथा कानुन मन्त्री हिक्मत कार्कीले जानकारी दिए ।

प्रदेश प्रमुखले बुधवार प्रदेश आर्थिक कार्यविधि ऐनलाई संसोधन गर्ने अध्यादेश जारी गरेका छन् । प्रदेश सरकारले बजेट ल्याउनु १५ दिन अघि प्री बजेट छलफल गर्नुपर्ने प्रावधान रहेको छ । हरेक प्रदेशले असार १ गते बजेट पेश गर्ने कानूनी बाध्यता रहेको छ ।