आइशोलेशनमा विरामी भेटन आउँदा तरकारी र दुग्धजन्य पदार्थ ल्याउन गाउँपालिकाको आग्रह

२० जेठ, काठमाडौं । कोभिड–१९ का कारण संक्रमित भई आइसोलेशनका रहेका  बिरामी भेट्न आउँदा नुवाकोटको एक गाउँपालिकाले जुस होर्लिक्स बजारका पाइने अस्वास्थ्य खानेकुरा भन्दापनि तरकारी र दुग्धजन्य पदार्थ ल्याउन अनुरोध गरेको छ । जिल्लाको  पुर्वी भेगमा रहेको पन्चकन्या गाउंपालिकामा घरमै फलाएको तरकारी तथा दुग्धजन्य पदार्थ ल्याउन अनुरोध गरेको हो ।

गाउँपालिकाले संक्रमित कतिपय बिरामीका आफन्तजनले बिरामी भेट्न आउँदा बजारका अस्वस्थ खानेकुरा ल्याउने गरेकाले सकभर घरमै उत्पादन भएका तरकारी तथा दुग्धजन्य पदार्थ ल्याउन अनुरोध गर्नुपरेको बताइएको छ ।

पन्चकन्या गापामा मात्र ३९ जना सक्रिय संक्रमित रहेका छन् भने गाउँपालिकाको आइसोलेशनमा हाल जनप्रतिनिधि तथा कर्मचारीसहित संक्रमित रहेको गाउँपालिकाका स्वास्थ्य शाखा प्रमुख हेमनारायण महतोले जानकारी दिएका छन ।