संवैधानिक इजलाश आज नबस्ने, विघटन सम्बन्धी मुद्धा स्थगित पेशी सूचीमा

२४ जेठ, काठमाडौं । प्रतिनिधिसभा विघटन सम्वन्धि मुद्धा सुनुवाइ गर्न आज बस्ने भनिएको संवैधानिक इजलाश स्थागित भएको छ ।सर्वोच्च आदालतले दैनिक पेशी सूचीमा प्रतिनिधिसभा विघटन सम्वन्धि मुद्धा स्थगित सूचीमा राख्दै आजका लागि प्रतिनिधिसभा विघटनका सम्वन्धमा सुनुवाइ गर्न संवैधानिक इजलाश नबस्ने जनकारी दिएको हो ।

आइतबारमात्र प्रधानन्यायाधीश चोलेन्द्रशमशेर राणाले आफूसहित न्यायाधीशहरू दीपककुमार कार्की, मीरा खड्का, ईश्वर खतिवडा र आनन्दमोहन भट्टराईको  संवैधानिक इजलाश पनर्गठन गरेका थिए ।

इजलाशमा पुनर्गठन लिएर सरकार पक्षका वकिलहरुले लफडा निकालेपछि हिजो इजलाश मुद्दाको मूल विषयमा प्रवेश गर्न नसकि हेर्दा हेर्दैमा राखिएको र  आजका लागि पेशी तोकिएको थियो ।