ओली, नेपाल र खनाल नै पार्टी एकताका अवरोधक: भट्टराई

२६ जेठ, काठमाडौं ।  एमाले नेता योगेश भट्टराईले पार्टीको शीर्ष तीन नेता केपी शर्मा ओली, माधवकुमार नेपाल र झलनाथ खनाल  पार्टी एकता हुन नसक्नुको मुलजड रहेको धारणा राखेका छन् ।

सामाजिक सञ्जालमार्फत भट्टराईले प्रधानमन्त्री एवम् पार्टी अध्यक्ष केपी शर्मा ओलीले आफ्नै नेताहरुसँग सहकार्य नगर्ने तर जसपासँग सत्ता साझेदारी गर्न तयार हुने अनि वरिष्ठ नेताहरु झलनाथ खनाल र माधवकुमार नेपाल पार्टी अध्यक्ष ओलीसँग मिल्न तयार नहुने र विपक्षी दलहरुसँग साझेदारी गर्ने ? यो कसले किन र केका लागि गर्दैछ ? भनेर प्रश्न गरेका हुन ।

एकताको समस्याको मुलजड यही भएको र यस विषयमा दुवै पक्षबीच गम्भिर छलफल गर्दै साझा निष्कर्ष  र साझा अभियानमार्फत एमालेको एकता बचाउन जरुरी रहेको भट्टराईले जोड दिएका छन् ।