कोरोना संक्रमितको घर र अस्पतालमा निशुल्क अक्सिजन अभियानमा नेता भण्डारी

२६ जेठ, कैलाली । सुदुरपश्चिम प्रदेशका कोरोना संक्रमितको घर र अस्पतालमा निःशुल्क अक्सिजन सिलिण्डर र स्वास्थ्य सामग्री नेपाली कांग्रेसका युवा नेता क्षितिज भण्डारीमार्फत बाँडिएको छ ।

हिजो मंगलबार दार्चुला, डडेल्धुरा, कंचनपुर, अछाम र कैलाली जिल्लाको धनगढी र अत्तरियामा स्वयंसेवक देवराज ओझाको टोलीमार्फत सिलिण्डर वितरण भएको छ ।

कोरोना संक्रमितको तत्कालै ज्यान जोगाउन सुदुरपश्चिम प्रदेशमा १८०० निःशुल्क अक्सिजन सिलिन्डेर दिने सम्झौता भए अनुसार मालाखेती अस्पताल, पदमा अस्पताल, सेवा अस्पताल र सामुदायिक अस्पतालसहित घर र विभिन्न अस्पतालमा ७० सिलेण्डर हरिप्रिया प्रकाश फाउन्डेशनले पठाएको हो ।

राजनीतिक भेदभाव नगरीकन नागरिकलाई अक्सिजन निःशुल्क रिफिलिङ्ग लगायत वितरण योजनाको लाभ १८०० अक्सिजन सिलिन्डर मध्ये १०० का दरले सुदुरपश्चिमका ८ जिल्ला अस्पतालमा ८०० र १००० सिलिन्डर प्रदेश राजधानी कैलाली अस्पताल र संक्रमितको घरहरुमा वितरण हुँदैछन् ।

हरिप्रिया प्रकाश फाउन्डेशन र सुर्य शक्ति ग्यास उधोग बीच सुदुरपश्चिमका अस्पतालहरुमा निःशुल्क अक्सिजन सिलिन्डर रिफिलिङ तथा वितरणको छुट्टै ६ लाख पेश्की सम्झौता रकम अध्यक्ष प्रकाशनारायण भण्डारीमार्फत श्याम टायलको कम्पनी र काठमाडौंको गोकर्णेश्वर ट्रेडिङ्ग प्रालिलाई एक लाख ७३ हजार बैना दिईएको धनगढीस्थित निःशुल्क क्वारेन्टाइनका प्रमुख गणेश भण्डारीले बताए ।