चितवनमा जारी निषेधाज्ञा खुकुलो

२६ जेठ, चितवन । चितवनमा कोरोना भाइरस नियन्त्रणका लागी जारी निषेधाज्ञालाई खुकुलो बनाएको छ । जिल्लामा यो सातादेखि निषेधाज्ञामा केही खुकुलो बनाइएको हो ।

यसअघि खाद्य सामग्री पसल विहान ९ बजेसम्म खुलेकामा १० बजेसम्म पुर्‍याइएको छ । निषेधाज्ञा खुकुलो भएसँगै पाठ्यपुस्तकका पसल र कृषि, मल बीऊसम्बन्धी पसल पनि विहान १० बजेसम्म खोल्न पाइने भएको छ ।

असार पहिलो हप्तादेखि शैक्षिक सत्र सुरु हुने भएकाले विद्यालयसम्म पुस्तक ढुवानीका लागि पुस्तक पसल पनि खोल्ने निर्णय समेत भएको जिल्ला प्रशासन कार्यालय चितवनले जनाएको छ ।

चितवनमा यसअघि जेठ १५ देखि जारी गरिएको निषेधाज्ञा बिहीबार सकिँदैछ । खुकुलो निषेधाज्ञाको व्यवस्था बिहीबारदेखि असार ३ गते राति १२ बजेसम्म लागू हुनेछ ।

चितवनमा अब निषेधाज्ञाको समयमा वर्कसपहरु पनि खुल्नेछन् ।