प्रदेश १ सरकारले प्रदेशसभामा आज नीति कार्यक्रम पेश गर्दै

२७ जेठ, काठमाडौं ।  प्रदेश नं १ को सरकारले आज प्रदेशसभा समक्ष आर्थिक वर्ष २०७८/७९ को नीति तथा कार्यक्रम बिहिबार प्रदेशसभामा प्रस्तुत गर्दैछ ।

प्रदेश प्रमुख सोमनाथ अधिकारी प्यासीले अपराह्न ३ बजे बस्ने प्रदेशसभामा नीति तथा कार्यक्रम प्रस्तुत गर्ने कार्यक्रम रहेको छ।

कोभिड महामारीको रोकथाम नियन्त्रण, स्वास्थ्य पूर्वाधार सेवाको विस्तार, रोजगारी सृजना लगायतका मुलुभुत विषयमा नीति तथा कार्यक्रम केन्द्रीत हुने प्रदेश सरकारले बताएको छ ।

यसअघि सोमबार प्रदेशसभा बैठकमा आर्थिक मामिला तथा योजनामन्त्री टंक आङ्बुहाङ्गले आर्थिक वर्ष २०७८/७९ को विनियोजन विधेयकको सिद्धान्त र प्राथमिकता प्रस्तुत गरेका थिए । विनियोजन विधेयकमाथिको छलफल बुधबार नै सकिएको छ।

असार १ गते प्रदेशसभा समक्ष बजेट पेश गर्ने कानूनी वाध्यता प्रदेश सरकारहरुसँग रहेको छ ।