सेतीमा थप ८६ जनामा कोरोना पुष्टि, ३ संक्रमितले ज्यान गुमाए !

२७ जेठ, कैलाली । पछिल्लो २४ घण्टामा सेती प्रादेशिक अस्पतालमा थप ८६ जनामा कोरोना भाइरसको संक्रमण पुष्टि भएको छ । आज अस्पतालमा १७९ जनाको नमुना परीक्षण गर्दा थप ८६ जनामा संक्रमणको पुष्टि भएको हो ।

जसमध्ये २० पुरुष र १२ महिला गरी ३२ जना धनगढी उपमहानगरपालिकाका रहेका छन्। यस्तै धनगढी बाहेक कैलालीका ३७ जना र अन्य जिल्लाका १७ जनामा संक्रमण पुष्टि भएको छ।

पछिल्लो २४ घण्टामा अस्पतालबाट ४ जना डिस्चार्ज भएका छन् भने थप ९ जना नयाँ संक्रमित भर्ना भएका छन्। हाल अस्पतालमा २६ जना संक्रमित उपचाररत छन्। ९ जना आईसीयूमा, २ जना भेन्टिलेटरमा उपचाररत रहेका छन् ।

यस्तै पछिल्लो २४ घण्टामा अस्पतालमा उपचाररत थप ३ जना संक्रमितले ज्यान गुमाएका छन्। कैलालीको गोदावरी नगरपालिका–५ का ७७ वर्षीय पुरुष, कञ्चनपुरको बेलौरी नगरपालिका–५ का ५४ वर्षीय पुरुष र अछामको साफेबगर नगरपालिका–७ का १७ वर्षीय पुरुषको मृत्यु भएको अस्पताले जनाएको छ ।