एमालेका ४ सांसदको पद जोगियो

२७ जेठ, काठमाडौं । नेकपा (एमाले) को माधवकुमार नेपाल पक्षका कर्णाली प्रदेशका चार सांसदको पद जोगिएको छ । बिहीबार सर्वोच्च अदालतले उनीहरूलाई सांसद पदमा पुर्नवहाली गरेको हो ।

फ्लोर क्रस गरेको अभियोगमा एमालेको कारवाहीमा परेका अमरबहादुर थापा, प्रकाश ज्वाला, कुर्मराज शाही र नन्दबहादुर बुढाको सर्वोच्चबाट पुनर्वहाली भएको हो ।

न्यायाधीश प्रकाशमान सिंह राउतको एकल इजलासले चार प्रदेशसभा सदस्य थापा, ज्वाला,  शाही र बुढालाई निष्कासन गर्ने एमाले केन्द्रीय कमिटीको निर्णय र त्यसका आधारमा प्रदेशसभा सचिवालयले गरेको निर्णय कार्यान्वयन नगर्न अन्तरिम आदेश दिएको हो ।