भारतबाट आएका ४० हात्ती बर्दिया राष्ट्रिय निकञ्जमा पसे

२८ जेठ, काठमाडौं । कोरोना भाइरस महामारीलाई नियन्त्रणमा लिन बर्दियामा पनि निषेधाज्ञा जारी छ । तर निषेधाज्ञाकै समयमा बर्दियामा ४० हात्ती हिँडिरहेको तस्बिर सामाजिक सञ्जाल फेसबुकमा यतिबेला भाइरल भइरहेको छ ।

यहि जेठ २६ गते जिल्लाको  कर्तनिया घाट वन्यजन्त आरक्षमा प्रवेश गरेका भारतबाट आएका जंगली हात्तीको लर्को यति बेला फेसबुकमा भाइरल भएको हो ।

जिल्लामा ४० हात्ती हिँडिरहेको तस्बिर सामाजिक सञ्जाल फेसबुकमा भाइरल भइरदा हात्ती यति बेला बर्दिया राष्ट्रिय निकुञ्ज प्रवेश गरिसकेका छन् ।

केही दिनयता चीनमा वासस्थान छोडेर यात्रामा निस्किएका जंगल हात्तीको संसारभरि चर्चा छ । १५ वटा चिनियाँ हात्ती अहिलेसम्म ५ सय किलोमिटरभन्दा बढी हिँडिसकेका छन्। चिनियाँ हात्तीको चर्चा भइरहेका बेला नेपालको बर्दियामा पनि हात्तीको त्यस्तै लर्को देखिएको छ ।

बर्दियाको खाता जैविक मार्ग क्षेत्रमा पर्ने शिव सामुदायिक वनमा झन्डै ४० हात्ती हिँडिरहेको राष्ट्रिय प्रकृति संरक्षण कोषका बर्दिया प्रमुख रविन कडरियाले नेपालबहस डटकमलाई जानकारी दिए ।

प्रमुख कडरियाले भारतको कतर्निया घाट वन्यजन्तु संरक्षण क्षेत्र ४० वटा जंगली हात्ती नेपाल आएको र बिहीबार निकुञ्जमा गएको बताएका छन् ।

उनले भने, “जंगली हात्तीहरू नेपाल आएको जानकारी पाएका छौं। यी हात्तीहरू बर्दिया राष्ट्रिय निकुञ्ज पुगिसकेका छन् । उनीहरू वारिपारि गरिरहन्छन्,’ कडरियाले भने,‘अब एक महिनाजति यता बसेर फेरि उता जान्छन्।”

बर्दिया राष्ट्रिय निकुञ्ज र भारतको कतर्निया घाट वन्यजन्तु संरक्षण क्षेत्रको दूरी लगभग १० किलोमिटर छ । यहाँ उनीहरूको हिँड्ने परम्परागत बाटो छ । त्यही बाटोमा हिँड्छन । मान्छेको बस्तीमा पस्दैनन्। उनीहरूको बाटो अतिक्रमण गरेर बनाएका घर वा बाटोमा मान्छे भेटिए कुल्चिन सक्छन् ।

नेपाल–भारत ओहोरदोहोर गरिरहने यी हात्तीको गणना पनि दुबै देशको हुन्छ । कडरियाले भन्छन्, यता बस्दा यतै गणना हुन्छ, उता जाँदा उतै गणना हुन्छ। त्यसैले बर्दिया निकुञ्ज १२० हात्तीमध्ये ५०–६० मात्रै यहाँ बस्छन् ।

प्रमुख कडरियाले नेपालबहस डटकमको कुराकानी भने, अहिले बर्दिया राष्ट्रिय निकुञ्जमा ६१ प्रकारका स्तनधारी प्रणली जिवजन्तु छन् । ति मध्ये बाघको संख्या ८७, गैडा ३८, चरा ५१६ र द्दसर्ने जनावर ४२ वटा छन् ।

गत बर्ष करिव आन्तरिक र बाह्य पयटक गरी १५ हजारले अजवलोकन गरेपनि यो बर्ष कोरोना महामारी कारण बर्दिया राष्ट्रिय निकुञ्जमा पर्यटकका सँख्या न्यून छ ।