दीपक मनाङेप्रति निर्वतमान मुख्यमन्त्री गुरुङकाे आक्रोश: सबै डाँकू बाल्मीकि नहुँदा रहेछन् [ भिडियाेसहित ]

३० जेठ, पोखरा । गण्डकी प्रदेश सरकारका निवर्तमान मुख्यमन्त्री पृथ्वीसुब्बा गुरुङले मन्त्री दीपक मनाङेप्रति आक्रोश पोखेका छन् । आज आफ्नै निवासमा उनले पत्रकार सम्मेलन गरी भने–सबै डाँकू बाल्मीकि नहुुँदा रहेछन् ।

गुण्डा नाइकेको छवि बनाएको मनाङेले अब समाजसेवा मात्रै गर्छु भनेकाले उसलाई सुध्रने मौका दिएको तर उसले भने आफ्नो जात जनाएको भन्दै गुरुङले दुखेसो पोखे ।

शपथग्रहण गराउनसमेत आफूले सहयोग गरेको स्मरण गर्दै उनले राम्रो काम गर्छु भन्यो, पत्याएर मन्त्रीसमेत बनाइयो तर सुधार्न सकिएन – उनले भने । मनाङेले असहयोग गरेकाले नै आफ्नो सत्ता ढलेको उनले प्रष्ट पारे ।