मुगुमा प्रवासी नेपालीद्धारा अक्सिजन सिलिण्डर सहयोग

१ असार,मुगु । गैर आवासीय नेपाली संघ अफ्रिकाले हिमाली जिल्ला मुगुलाई अक्सिजन सहितको सिलिण्डर सहयोग गरेको छ । एनआरएनए अफ्रिकाले सहयोग गरेका १० थान अक्सिजन सहितका सिलिण्डर जिल्ला अस्पताल मुगुलाई हस्तान्तरण गरिएको हो ।

ती सिलिण्डर पत्रकार महासंघ मुगुका अध्यक्ष नृपेन्द्रबहादुर मल्लले जिल्ला अस्पताल मुगुका चिकित्सक कविर पौडेललाई मङ्गलबार हस्तान्तरण गरेका थिए । अभियान अन्तरगत बोत्स्वाना अध्यक्ष पदम भण्डारी, कङ्गो अध्यक्ष अमृत क्षेत्री, मोजाम्विक अध्यक्ष शारदा पौडेल, एनआरएनए समन्वय समितीहरु र सदस्यहरुले अक्सिजन सिलिण्डर खरिदका लागी सहयोग गरेका हुन् ।