बहुमत देखाउन ठाकुरले थपे कार्यकारिणी समितिमा १७ जना

२ असार काठमाडौं । पार्टीको कार्यकारिणी समितिमा आफ्नो पक्षको बहुमत देखाउन  जनता समाजवादी दलका अध्यक्ष महन्थ ठाकुरले आफूनिकट १७ जनालाई मनोनित गरेका छन् ।

पार्टीको कार्यकारिणी समितिमा अल्पमतमा रहेका ठाकुरले  आफु निकट  ११ र अर्का नेता राजेन्द्र महतो निकट ६ जना गरी १७ जना कार्यकारिणी समितिमा मनोनित गरेका हुन्।

समितिमा ठाकुरको रोजाईमा पर्नेहरुमा डा. विजयसिंह, सुरेन्द्र झा, विमल श्रीवास्तव, राजीव झा, उमाशंकर अरगरैया, इकबाल मिया, परमेश्वर साह, सत्रदीप यादव, सुरेश मण्डललगायत रहेका छन् ।

ठाकुरले यादवनिकट कार्यकारिणी समितिका सदस्यलाई हटाएर त्यसको ठाउँमा आफूनिकट नेतालाई मनोनित गरेका हुन् ।

निर्वाचन आयोगले ठाकुर र अर्का अध्यक्ष उपेन्द्र यादव दुवैले एकले अर्कोलाई गरेको कारवाहीलाई मान्यता नदिएपछि कार्यकारिणी समितिमा अल्पमतमा रहेको ठाकुर पक्षले राहत महसुस गरेको छ भने उपेन्द्र पक्ष अदालत जाने बताएको छ।