पहिरोका कारण सिद्धार्थ राजमार्ग अबरुद्ध

२ असार,काठमाडौं ।  सिद्धार्थ राजमार्ग अन्तर्गत पाल्पा–बुटवल सडकखण्डको तानसेन नगरपालिका–८, गौडेपुल नजिकै झण्डै ५० मिटर सडक पहिरोले बगाउदा सिद्धार्थ राजमार्ग अवरुद्ध भएको छ  । अविरल वर्षासँगै  सडकमाथिबाट खसेको पहिरोले राजमार्ग जगैबाट बगाएको छ ।

मंगलबार दिउँसो खोला बढ्दै गएपछि तल्लो भागबाट कटान सुरु गरेको र माथिबाट पहिरो खसेपछि राजमार्ग नै बगाएको सडक डिभिजनका सूचना अधिकारी शिवु खत्रीले जानकारी दिएका छन् । जसका कारण सिद्धार्थ राजमार्ग हिजो बेलुकीदेखि नै अवरुद्ध छ । वर्षा नरोकिएकाले सडक डिभिजन कार्यालयले हेभी इक्विपमेन्ट लगाएर काम गर्न सकेको छैन

यसैबीच सोही जिल्लाको रुरु क्षेत्रधाममा जलमग्न भएको छ । गुल्मी, पाल्पा र स्याङजाको जिल्लाको संगलस्थल रुरु क्षेत्रमा पानीको सतह बढेपछि ऋषिकेश मन्दिरको प्रवेशद्वार भित्रसम्म नदी प्रवेश गरेको स्थानीयले बताएका छन् ।

यस्तै निर्माणधिन तीनमुखे झोलुङ्गे पुल समेत ढुवानमा परेको प्रहरीले जनाएको छ । यस्तै नदीको बगर क्षेत्र पूर्ण रुपमा ढुवानमा हिजो मात्रै दाहसस्कार गर्दे गरेको चिहान समेत नदीले बगाएको थियो ।  नदीको सतह बढेपछि नदी किनाराको रुख र टहराहरु समेत डुबाएको छ । पानी पर्नेक्रम नरोकिएको हँदा मन्दिरसंगै अन्य सो क्षेत्रका बस्तीहरु समेत जोखिममा परेको स्थानीयले बताएका छन् ।

कालीगण्डकी र खहरेखोला बढेपछि रानीमहल क्षेत्र समेत ढुवानमा परेको छ रानीमहल क्षेत्रमा निर्माण गरिएका आधा दर्जन टहराहरु पूर्ण रुपमा डुवानमा परेको स्थानीयले जानकारी दिएका छन । यस्तै नगरपालिकाले निर्माण गरेको बगैंचा समेत ढुवानमा परेको छ । पानी पर्नेक्रम नरोकिएको हुँदा रानीमहल दरबार समेत जोखिममा परेको स्थानीयले बताएका छन् ।