अवरुद्ध बुटवल-बर्दघाट सडकखण्ड अझै खुलेन

३ असार काठमाडौं । वाढीले रोड डिभाइडर बगाउँदा अवरुद्ध बनेको पुर्वपश्चिम महेन्द्र राजमार्गको बुटवल—बर्दघाट सडकखण्ड अझै खुल्न सकेको छैन ।  रुपन्देहीको देवदह नगरपालीका १० चरंगे जंगलनजिक निर्माणाधिन पक्कि पुलको छेउमा सवारी साधन आरपारका लागि बनाइएको अस्थायी डाईभर्सन बाढीले बगाउदा सडक तीन दिन देखि अवरुद्ध भएको हो।

पुर्वपश्चिम राजमार्गको बुटवल नारायणगढ सडकखण्ड विस्तारको क्रममा चार लेनको पक्कि पुल बनाउन सो ठाउँमा सवारी ओहोर दोहोर गर्न अस्थायी डाइभर्सन बनाइएको थियो । बाढीका कारण डाइभर्सन भासिएर पानीले बगाउदा १ गते मध्यान्नदेखी सडक अवरुद्ध भएका कारण सयौं सवारी साधन र हजारौं यात्रुहरु बीचबाटो मै अलपत्र परेको प्रहरीले जनाएको छ।

निरन्तरको झरी र खोलामा बाढी आईरहेकोले पुनः डाईभर्सन निर्माण गरि संचालन गर्न कठिनाई भैरहेको पनि प्रहरीले जनाएको छ।